91热爆

Cyflwyniad
Prosiect Gareth Thomas, neu Gai Toms, yr injian y tu 么l i Anweledig. Yn rhoi rhwydd hynt i'w wreiddiau gwerinol mae Mim Twm Llai o Flaenau Ffestiniog yn plesio'r glust a'r ysbryd.

Cynnwys
Ar 么l blynyddoedd o greu nifer brwd o ffans i'w ganeuon gwerin gwych roedd hi'n ymddangos na fyddai Mim Twm Llai fyth yn rhyddhau albwm. Gyda Gai Toms yn parhau i gynhyrchu'n fuddiol gydag Anweledig nid oedd Mim Twm Llai yn derbyn y sylw roedd llawer yn ei grefu. Yna daeth datganiad Ceri a'r criw fod Anweledig yn cymryd seibiant, ac erbyn Eisteddfod 2002 roedd O'r Sbensh, albwm 15 c芒n, wedi ei ryddhau.

Gyda'r gair 'hirddisgwyliedig' prin yn gwneud cyfiawnder mae'n albwm caboledig yn llawn o glasuron y dyfodol gyda nifer o draciau adnabyddus yn barod. Clywyd Sesiwn Ram Jam arbennig, gyda'r diwn wych hyfryd Robin Pant Coch yn ymddangos ar y CD amlgyfrannog Ram Jam 3, a rhaid nodi'r aruthrol Byrddau Pren fel trac arall ysgubol o'r sesiwn.

Ymysg yr albwms rhwyddaf posib i'r glust mae'n llwyddo i fod yn gwbl groesawgar ond yn taflu'r negeseuon miniog i mewn yn gadarn fel yn nhraddodiadau gorau Bob Dylan a Meic Stevens. Yn enghreifftiau o hyn mae Y Ty, Lein Ddillad a Y Glaw Go Iawn sef y drac a ysbrydoliwyd gan y ffilm Taxi Driver. Heb os mae sbort a sbri hefyd yn frith ar O'r Sbensh, fel mae'r ardderchog Tafarn yn Nolrhedyn gyda'i gorws epig, y Clwb y Tylluanod hwylus a'r hynod lawen Tlws yw'r W锚n yn profi.

Y ffaith sy'n amlygu ei hyn drwyddo yw fod Gai Tom yn foi byw iawn. Mae'n sylwi ac yn teimlo pethau, gan drosi hyn i ganeuon gogoneddus a hynod addas sy'n cyfleu deallusrwydd amlwg y dyn. 15 o ganeuon ffantastig ac angerddol y dylai unrhyw un sydd 'rioed wedi meddwl am unrhyw beth unrhyw bryd fod yn berchen arnyn nhw. A gyda gobaith dim ond dechrau ar yrfa cerddorol hir a chynhyrchiol yw hwn i un o'n talentau gorau. 'Hoi, pam yr enw' rwy'n eich clywed yn erfyn? Yn syml, Mim Twm oedd pawb yn galw ei daid, felly Gareth, yn amlwg, oedd Mim Twm Llai.

Aelodau
Gareth Tomos - llais, gitar acwstig, gitar drydan, piano
Phillip Lee Jones - drymiau, llais cefn
Gary Richardson bas
Elaine Gelling - llais cefn
Euron J么s - gitar flaen
Cas Meurig - Ffidl

Lincs perthnasol
Safle gwe Curiad -