91Èȱ¬

"Mae Clwb Pêl-droed Bae Colwyn yn aelod o Adran Gyntaf Cynghrair Gogledd yr UniBond a bu'r clwb yn dathlu 125 o flynyddoedd ers sefydlu'r clwb yn ystod tymor 2005/2006.

Trefnwyd nifer o ddigwyddiadau gan y clwb yn ystod tymor 2005/06 i nodi'r garreg filltir honno.

Bu bron i'r Gwylanod sicrhau dyrchafiad i Brif Adran Cynghrair UniBond ar ddiwedd tymor 2006/2007, ond iddynt golli yn rownd gyn derfynol y gemau ail gyfle.

Gwelwyd gwelliannau i'r maes yn Ffordd Llanelian yn ystod y blynyddoedd diwethaf gan gynnwys gosod 403 o seddi ac mae cynlluniau ar y gweill i wella'r llifoleuadau.

Mae'r clwb yn awyddus i chwarae rhan flaenllaw yn y gymuned leol, gyda sawl cynllun i ddenu mwy i gefnogi ac ymwneud â'r clwb.

Y tymor hwn mae'r rhai dan 16 yn cael mynediad am ddim, yng nghwmni oedolion, i gemau cartref diolch i gynllun ar y cyd gyda Coleg Llandrillo Cymru.

Eleni mae'r tîm yn gwisgo crysau gyda logo Hosbis Tŷ Gobaith gyda'r clwb yn cefnogi'r elusen leol.

Yn ogystal â'r tîm cyntaf, mae'r clwb yn cynnwys tîm merched hynod lwyddiannus a timau iau, dan 13 a dan 15, sy'n ffynnu'n flynyddol ac yn aelodau o Gynghrair Iau Aberconwy a Cholwyn."