91Èȱ¬

Ganwyd Sasha, neu Alexander Coe, ym Mangor ond cafodd ei fagu ym Mhenarlâg, Sir y Fflint. Er iddo ennill lle mewn ysgol fonedd yn Epsom, gadawodd yn fuan iawn a dychwelyd i fyw i Fangor efo'i dad. Ar ol iddo gyrraedd Bangor pwysodd ei lysfam arno i gymryd gwersi piano ac er ei fod yn cwyno'n groch ar y pryd, fe ffoniodd hi i ddiolch iddi ar ddiwedd ei sesiwn recordio gyntaf.

Dechreuodd ar ei waith fel DJ clwb yn yr wythdegau yng nghlwb dawns Shelly's. Yno fe gafodd ryddid i droelli ac i ailwampio traciau dawns y cyfnod.

Ond enillodd enwogrwydd drwy Brydain ac yna ar draws y byd ar ôl symud i glwb dawns enwog Renaissance. Fe dyfodd ei boblogrwydd yno a rhyddhaodd ei albwm gyntaf o sŵn Renaissance gan fod y cyntaf i wneud hynny. Rhyddhaodd yn ddiweddarach Northern Exposure, y gyfres Global Underground ac yna Communicate.

Mae Sasha hefyd wedi cymysgu traciau i artistiaid megis Pet Shop Boys, Simply Red ac M People.