 |
 |
|
Cyngerdd cyhoeddi Gŵyl Gerdd Dant 2008
Cafwyd noson werth chweil yng Nghlwb Golff Dinbych nos Fercher, 24 o Hydref wrth i lu o artistiaid ddod ynghyd i ddathlu Cyhoeddi Gŵyl Cerdd Dant Dyffryn Clwyd 2008. |
|
|
|
Roedd dros gant o bobl yn bresennol ar gyfer y cyngerdd, gyda'r Å´yl yn cael ei chynnal yn Nyffryn Clwyd ar y 15 o Dachwedd 2008 yn Theatr Pafiliwn y Rhyl.
 Croeso Gŵyl Cerdd Dant Dyffryn Clwyd 2008 gan Leah Owen, Cadeirydd y Pwyllgor Gwaith.
"Roedd hi'n braf croesawu artistiaid lleol sy'n arddangos talent arbennig yn Nyffryn Clwyd; Triawd Caeran gydag Ieuan ap Siôn, Meinir Llwyd ar y delyn, Ynyr Llwyd yn canu i gyfeiliant piano trydan ac Eryl Davies yn arwain y noson," meddai Leah Owen, Cadeirydd y Pwyllgor Gwaith.
Estynwyd croeso arbennig i Gadeirydd Cymdeithas Cerdd Dant Cymru, Nia Rowlands i'r Clwb Golff.
Edrych ymlaen i'r Å´yl yn 2008
Dywedodd ei bod hi'n hynod o falch o dderbyn y copi cyntaf o Restr Testunau Gŵyl Cerdd Dant Dyffryn Clwyd 2008, ac roedd hi'n edrych ymlaen yn eiddgar i fynychu'r Ŵyl yn 2008, a chlywed rhai o'r darnau gosod sydd yn y testunau yn cael eu perfformio ar lwyfan.
A hithau'n byw yn Llanelltyd, Dolgellau, braf iawn oedd ei gweld yn y noson, yn cynnig cefnogaeth frwd i'r tîm diwyd yn Nyffryn Clwyd.
Gŵr arall dderbyniodd groeso twymgalon i'r noson oedd Prif Weithredwr Cyngor Sir Ddinbych, Ian Miller.
Ac yntau'n byw dafliad carreg o'r Clwb Golff, croesawodd Leah Owen ef i'r Noson Gyhoeddi.
"Rydyn ni'n hynod o falch bod Prif Weithredwr y sir, Ian Miller, wedi derbyn y gwahoddiad i fod yn Llywydd Anrhydeddus yr Å´yl yn y Dyffryn y flwyddyn nesaf.
"Mae'n braf cydweithio â'r Cyngor Sir i ddod â gŵyl genedlaethol ddiwylliannol yma i Sir Ddinbych."
Bydd criw o Ddyffryn Clwyd yn cynrychioli'r fro yn yr Å´yl Gerdd Dant yn Ystrad Fflur a'r Fro eleni yn croesawu'r Å´yl yma i'r dyffryn y flwyddyn nesaf, ac yn mwynhau'r cystadlu brwd.
|
|
|
|
|
 |
|
|
 Ìý
|
|
|
|
Dyw'r 91Èȱ¬ ddim yn gyfrifol am gynnwys safleoedd rhyngrwyd allanol |
|
|
|
|
