Am y tro cyntaf iddi gystadlu a chyda dim ond yr ail ddrama iddi sgrifennu enillodd Rhian Staples Fedal Ddrama Eisteddfod Genedlaethol Wrecsam 2011.
Ac i'r seremoni i anrhydeddu y dramodydd buddugol ddod dan feirniadaeth yn y gorffennol dywedodd hi iddi fod yn gwbl hapus.
Yn siarad 芒'r wasg funudau wedi dod oddi ar y llwyfan dywedodd:
"Does dim angen i'r Orsedd fod yno mae'r Fedal yn sefyll dros ei hunan."
Ond fe alwodd am fwy o ddiddordeb yn y ddrama yn yr Eisteddfod yn gyffredinol.
"Beth sydd ei angen yw mwy o ddiddordeb yn y ddrama ar y maes a mwy o gwmniau yn cymryd rhan efo mwy o gynulleidfa yna. Dyna'r unig beth sydd ar goll, roedd y seremoni ei hunan yn fendigedig," meddai.
Dywedodd iddi fynd ati i sgrifennu y ddrama wedi clywed ar y newyddion am ddau nad oedd yn adnabod ei gilydd o gwbl yn cyfarfod drwy wefan "eitha tywyll" .
"Ond mae'r ddrama hefyd am fod yn ddeugain ac am bethau rydym yn eu cuddio ac am dorri addewidion," ychwanegodd.
Dywedodd nad oes unrhyw addewid hyd yn hyn i lwyfannu'r ddrama, beirniadaeth arall o'r gystadleuaeth hon yn y gorffennol, ond dywedodd mai ei dymuniad fyddai gweld ei llwyfannu.
Mwy
Blogiau 91热爆 Cymru
:
Doeddwn i ddim yn gweithio gefn llwyfan tan hanner dydd a'r gystadleuaeth gyntaf ar ...
Holl ganlyniadau, clipiau fideo a blogiau o Brifwyl 2012.
