91Èȱ¬

Nos Sadwrn, Awst 2ail cynhelir noson gerddoriaeth amrywiol gan Gorau a Bandiau Ysgolion Uwchradd Caerdydd a'r Fro gyda'r Gymanfa Ganu draddodiadol, o dan arweiniad Alun Guy, yn dilyn ar nos Sul, Awst 3vdd.

Croesawn Bryn Terfel yn ôl i lwyfan y Brifwyl ar Nos Lun wrth i'r Eisteddfod lwyfannu Offeren Verdi. Yn rhannu'r llwyfan gyda Bryn bydd y soprano Anja Harteros a Cherddorfa a Chorws Cenedlaethol Cymreig y 91Èȱ¬.

Talwn deyrnged i un o arwyr Cymru ar nos Fawrth, Awst 5ed mewn noson arbennig, Grav - Yma o Hyd. Ymunwch â ffrindiau a rhai o hoff artistiaid Grav wrth i ni ddathlu bywyd cawr o Fynyddygarreg.

Cawn noson o gystadlu ar nos Fercher gan gynnwys Gwobr Richard Burton, unawd sioe gerdd y Côr Ieuenctid dan 25 a llawer mwy. Yna ar nos Iau cynigir dewis o 2 gyngerdd: yn Neuadd Dewi Sant cewch gyfle i fwynhau Cerddorfa Genedlaethol Ieuenctid Cymru o dan arweinyddiaeth Arwel Hughes tra bydd y pafiliwn dan ei sang gyda rhai o sêr mwyaf Cymru yn llwyfannu noson yr C Factor gyda Connie Fisher, Cerys Mathews, Shan Cothi, Catrin Finch, Caryl Parry Jones a Chôr Cantorion.

Cynhelir cystadleuaeth y Corau cymysg ar Nos Wener ac yna i gloi'r wythnos cynhelir cyngerdd côr yr eisteddfod gyda Karl Jenkins yn arwain yr ail hanner wrth i'r côr berfformio un o gyfansoddiadau'r cyfansoddwr o Benclawdd, Dewi Sant. Mae'n addo bod yn ddiweddglo bythgofiadwy gan fod y côr yn ymgorfforiad o nifer o brif gorau'r ddinas gan gynnwys: Cantorion Creigiau, Caerdydd; Côr Merched Canna, côr Meibion TA, Côr Polyffonig Caerdydd, Côr Philarmonig Caerdydd, Côr Ardwyn, Côr Caerdydd ynghyd â nifer o bobl sydd wedi ffurfio côr arbennig ar gyfer yr Eisteddfod.

Mae tocynnau ar gyfer yr holl berfformiadau yma ar gael o Swyddfa'r Eisteddfod drwy ffonio 0845 122 1176 neu ewch ar lein. Os am fanylion pellach cysylltwch â'r Swyddfa am gopi rhad ac am ddim o'r Llyfryn.