91Èȱ¬

Mae'n gyflwynydd radio ar 91Èȱ¬ Radio 1 (bob nos Fercher o hanner nos tan 2.00 y bore yn Lloegr), ac ar C2 ar 91Èȱ¬ Radio Cymru ac yn gyflwynydd teledu ar Bandit ar S4C. Yn Ebrill 2005 bu yn y 'New Band Festival' yn Austin, Texas gyda Radio 1.

Beth oedd y gig olaf i chdi fynychu?
Fe welais y delynores Joanna Newsom yn chwarae ym Mryste dydd Gwener diwethaf.

Pwy ydi dy hoff fand ar hyn o bryd?
Fy hoff fand newydd ar hyn o bryd ydi'r Poppies, sef band o Aberystwyth. Fel hen fand, mi ydw i dal yn ffan o'r Boo Radleys.

A pha fand o Gymru wyt ti'n gweld yn llwyddo yn y flwyddyn nesaf (2005 - 2006)?
Poppies. Rwy'n mwynhau stwff nhw ar hyn o bryd a dwi'n gweld nhw'n llwyddo.

Beth ydi dy hoff albwm?
Albwm gan 'Aluminium Babes' neu 'Traffig' gan Gwilym Morus.

Beth oedd yr albwm gyntaf i chdi brynu?
'Crowded House', ond does gen i ddim awydd siarad am hwnnw!

Lle wyliaist ti dîm rygbi Cymru yn ennill y Gamp Lawn?
R'on i mewn bar Gwyddelig pan oeddwn yn Texas. Roedd yn hanner awr wedi naw y bore yno, felly, mewn ffordd, mi welais i ni'n ennill cyn pawb arall!

Mi wyt yn gyflwynydd radio a theledu, ond pa un wyt ti'n ei fwynhau orau?
Y radio, heb os nag oni bai! Mae cyflwyno efo'r ddau arall ar Bandit yn hwyl ond mae'n well gen i'r radio.

Sut brofiad oedd yr ŵyl 'New Bands' yn Texas?
O mi oedd e'n grêt, er r'on i'n sâl pan oeddwn yno. Roedd yna un stryd o venues, tua 60 ohonynt ac roedd yna dros 1,500 o fandiau yn chwarae. Roedd llawer o fandiau o Gymru yno i ddweud y gwir, Goldie Lookin' Chain, Alun Tan Lan a The Martini Henry Rifles.

Wyt ti'n chwarae urhyw offeryn?
Nadw, mi nes i fethu fy arholiad piano gradd 1!

Byw neu farw, pwy fuaset ti'n hoffi ei gyfarfod?
Johnny Cash.

Pwy sydd wedi dylanwadu arnat?
Mi ydw i'n mwynhau llyfrau yr awdur Iian Banks, a hefyd y rapiwr o Gymru - Steffan Cravos.

Pwy fuasai yn dy fand delfrydol?
Brychan o Texas Radio Band ar y bongos, Johnny Cash yn canu, Rich James o'r Gorky's ar y gitâr a Gwenno Saunders ar yr allweddellau.

Cyfweliad gyda thîm y wefan hon yn 2005.