Cantores ifanc lwyddiannus
"Pan oeddwn i'n dair a hanner, mi wnes i ganu Ghostbusters efo fy nghyfnither mewn gwersyll glan môr, ar ôl i ni orffen, mi adawodd hi'r llwyfan - roedd rhaid iddyn nhw fy llusgo i oddi yno!"Wyddech chi? : Gorfu i'r deithwraig Charlotte sefyll ei harholiad TGAU Daearyddiaeth am bedwar o'r gloch y bore yn Llysgenhadaeth Prydain yn Washington DC sef yr un pryd â'i dosbarth adref yng Nghaerdydd. Er hynny, llwyddodd i gael Gradd A.
Y seren o blentyn sydd bellach wedi tyfu fyny ac sy'n awyddus i greu delwedd newydd go wahanol iddi'i hun.
Fe ddaeth cyfle mawr Charlotte yn 1997 ar raglen dalent deledu ac roedd hi yno i gyflwyno'i modryb. Ychydig fariau o Pie Jesu yn ddiweddarach ac roedd y ferch un ar ddeg oed o Gaerdydd yn enw cerddorol.
Hi oedd yr artist ieuengaf erioed i fynd i frig y siart glasurol pan ryddhawyd ei halbwm gyntaf 'Voice of an Angel' yn 1998. Yn fuan iawn, roedd hi'n teithio'r byd ac yn canu i deuluoedd Brenhinol, Arlywyddion a'r Pab.
Ond wrth iddi dyfu'n hÅ·n, soniodd am ei hawydd i newid cyfeiriad ei cherddoriaeth. Er ei bod yn rhyddhau cerddoriaeth glasurol, mae'n ceisio ymestyn ei gorwelion cerddorol.
Recordiodd ddeuawd efo Wyclef Jean ac ymddangos efo Atomic Kitten, Steps ac A1 yn 'Showtime' yn y Stadiwm yng Nghaerdydd.
Fe gafodd hi lwyddiant gyda'r gân ddawns 'The Opera Song' mewn cydweithrediad â Jurgen Vries.
Mae hi wedi ymddangos fel gwestai ac fel cyflwynydd ar y rhaglen Have I got News For You ac wedi gwneud ffilm I'll Be There efo Craig Ferguson.
Dydy tyfu fyny yn wyneb y cyhoedd ddim wedi bod yn hawdd iddi hi gyda'r holl ddiddordeb cyfryngol yn ei bywyd personol a phreifat a llawer o sylw i'r holl ddadleuon teuluol.
Cafodd y problemau yn ei pherthynas â'i chyn-gariad Steven Johnson eu cyhoeddi mewn papurau newydd ar hyd y wlad, ac mae Charlotte Church bellach yn wyneb cyfarwydd mewn chylchgronau adloniant tebyg i Heat.
Mae Charlotte Church yn cael mwy o sylw am ei bywyd personol yn partïo ac yn siopa o amgylch dinas Caerdydd, nag am ei chanu erbyn hyn, ac mae ei wyneb yn ymddangos yn ddyddiol yn y papurau newydd tabloid.
Ym mis Mawrth 2005 fe gyhoeddodd y gantores o Gaerdydd ei bod mewn perthynas â'r chwaraewr rygbi i'r Gweilch Nedd-Tawe a thîm Cymru, Gavin Henson, a oedd yn aelod o'r tîm buddugol a enillodd y Gamp Lawn.
Mae gan Charlotte a Gavin ddau o blant, Ruby a Dexter.
Roedd gan Charlotte Church ei rhaglen sgwrsio ei hun, The Charlotte Church Show ar Channel 4 ble roedd yn sgwrsio ac yn canu gydag enwogion eraill. Ynddangosodd hefyd fel beirniad ar raglen 91Èȱ¬1 Over the Rainbow.
Gwahanodd Charlotte a Gavin yn 2010.
Ìý
