91Èȱ¬

Gorfod argraffu mwy i ateb y galw

Cynnyrch Eisteddfod Genedlaethol Y Bala sy'n hawlio'r tri lle cyntaf ar siart gwerthwyr gorau Cyngor Llyfrau Cymru mis Awst 2009 gyda nofel fuddugol Gwobr Goffa Daniel Owen ar y brig.

Fe'i dilynir gan gyfrol 'Y Cyfansoddiadau a'r Beirniadaethau' ac wedyn, yn drydydd, nofel y Fedal Ryddiaith gan Siân Melangell Dafydd.

Dywed y Lolfa i'r galw am gyfrol Fflur Dafydd, Y Llyfrgell, sydd ar y brig, fod gymaint y bu'n ei h rhaid adargraffu o fewn mis i'w chyhoeddi!

Disgrifiwyd y nofel gan un beirniad, Dafydd Morgan Lewis, fel "un o'r nofelau gorau i ennill Gwobr Goffa Daniel Owen erioed".

A chyda'r nofel ar ben siart mis Awst dywedodd meddai Garmon Gruffudd o'r Lolfa:

"Mae'n wych cael cystal ymateb i nofel ac i weld y gwerthiant yn parhau - mae'n amlwg i'r gair fynd ar led fod hon yn nofel wirioneddol arbennig, ac yn haeddu'r clod a roddwyd iddi gan feirniaid y gystadleuaeth." Ychwanegodd bod galw mawr hefyd am nofel Saesneg Fflur Dafydd, Twenty Thousand Saints a enillodd Wobr Oxfam i awdur mwyaf addawol Gŵyl y Gelli fis Gorffennaf.

Honno'n addasiad gyfrol fuddugol Cystadleuaeth Medal Ryddiaith Eisteddfod Eryri.

Ar hyn o bryd mae Fflur Dafydd yn awdur Preswyl ym Mhrifysgol Iowa yn yr Unol Daleithiau, lle bydd yn cymryd rhan mewn nifer o ddigwyddiadau yn cyflwyno'i gwaith yn ogystal â darlithio i fyfyrwyr ar ysgrifennu creadigol.

Ar ei dychweliad i Gymru bydd yn cynnal sgwrs am ei nofel yn y Llyfrgell Genedlaethol y mae'n ei gwatwar Tachwedd 27 yn Y Drwm.

Rhestr gyflawn Cyngor Llyfrau Cymru

1. Y Llyfrgell - Enillydd Gwobr Goffa Daniel Owen 2009, Fflur Dafydd (Y Lolfa) 9781847711694 £8.95


2. Cyfansoddiadau a Beirniadaethau Eisteddfod Genedlaethol Cymru Meirion a'r Cyffiniau 2009 (Llys yr Eisteddfod) 9780955390111 £8.00


3. Y Trydydd Peth - Enillydd y Fedal Ryddiaith 2009, Siân Melangell Dafydd (Gwasg Gomer) 9781848510906 £6.99


4. Cyfres Ti'n Jocan: Hiwmor Dilwyn Morgan, Dilwyn Morgan (Y Lolfa) 9781847710802 £3.95


5. Cribinion, Dafydd Wyn Jones (Gwasg y Bwthyn) 9781904845928 £6.00


6. Bro a Bywyd: W. S. Jones, gol. Ioan Roberts (Cyhoeddiadau Barddas) 9781906396190 £11.95


7. Cornel Aur, Manon Rhys (Gwasg Gomer) 9781848511064 £7.99


8. Y Tiwniwr Piano, Catrin Dafydd (Gwasg Gomer) 9781843239000 £7.99


9. Llythyrau'r Wladfa 1865-1945, Mari Emlyn (Gwasg Carreg Gwalch) 9781845271329 £9.95


10. Y Ferch ar y Ffordd, Lleucu Roberts (Y Lolfa) 9781847711397 £7.95

Llyfrau Plant

1. Cyfres Lliw a Llun: Y Ci Robot, Frank Rodgers (Dref Wen) 9781855968387 £4.99


2. Cyfres Darllen Mewn Dim - Cam Rala Rwdins: Sgleinio'r Sêr, Angharad Tomos (Y Lolfa) 9780862438807 £2.95


3. Mr Penstrwmbwl a'r Ddraig Fach, Julie Rainsbury (Gwasg Gomer) 9781843234500 £4.99


4. Cyfres Darllen Mewn Dim - Cam y Dewin Doeth: Antur Fawr y Dewin, Angharad Tomos (Y Lolfa) 9780862438777 £2.95


5. Cyfres Darllen Mewn Dim - Cam y Dewin Doeth: Yr Ysbryd, Angharad Tomos (Y Lolfa) 9780862438760 £2.95


6. Ffrindiau Bach a Mawr: Cai a'r Octopws, Gwawr Maelor (Canolfan Astudiaethau Addysg) 9781845210441 £2.25


7. Dirgelwch yr Ogof, T. Llew Jones (Gwasg Gomer) 9780850884173 £5.99


8. Y Gryffalo, Julia Donaldson (Dref Wen) 9781855968318 £4.99


9. Cyfres Darllen Difyr: Gêm Cyfrifiadur, Mari Tudor (Awen) 9781905699414 £2.99


10. Cyfres Darllen Difyr: Nefi Bliw! Mari Tudor (Awen) 9781905699360 £2.99