91热爆

Tybed a oes yna gr诺p arall sy'n cyfleu'r teimlad o fwynhau bywyd yn well na Gwibdaith Hen Fr芒n?

Does ryfedd eu bod nhw wedi ennill cymaint o boblogrwydd mewn byr amser. Ar record ac yn fyw, mae perfformiadau'r gr诺p yn cyfleu criw o ffrindiau sy'n cael hwyl yn jamio yng nghornel y dafarn - a'r newyddion da yw ein bod ni wedi'n gwahodd i'r parti hefyd.

Ffurfiwyd y gr诺p yn 2006 gan Phil Jones, oedd eisoes yn brysur gydag Estella, Mim Twm Llai, Vates, Jac ac Y Mistecs, a thri ffrind o ardal Blaenau Ffestiniog a Phenrhyndeudraeth. Mae eu caneuon yn clodfori pethau bychain - ond pwysig - bywyd: cyri, carots, coffi a chwrw yn enwedig, a hynny ar offerynnau traddodiadol acwstig.

Ers rhyddhau eu halbwm gyntaf Cedors Hen Wrach yn 2007, mae Gwibdaith i'w clywed yn gyson ar y radio ac yn chwarae mewn gwyliau. Yn 2010 cyhoeddodd y band yr albwm, Llechan Wlyb ar label Rasal.

Ym mis Tachwedd 2010, cyhoeddodd dau o aelodau Gwibdaith Hen Fr芒n - Paul Thomas a Robert Ifan Buckley - eu bod yn bwriadu gadael y band. Fodd bynnag, cyhoeddodd Philip Lee Jones y buasai Gwibdaith Hen Fr芒n yn parhau i berfformio hyd yn oed os byddai'r ddau yn gadael.

Yn 2011 enillodd y band Wobr Roc a Phop 91热爆 Radio Cymru am y gr诺p sydd wedi bod ar frig Siart C2 fwyaf yn ystod y flwyddyn ddiwethaf.

Does dim rhaid ymdrechu'n rhy galed er mwyn dysgu'r geiriau. Gyda'n gilydd: "Tr么ns dy dad, gyda'r twll yn y canol - ma nhw'n wahanol!"