91热爆

Trefnais fy yswiriant a manylion eraill yn ddidrafferth ac ro'n i ar fy ffordd. Yna wynebais fy mhroblem cyntaf. Stopiodd y bws mewn gorsaf gwasanaethau ger Rhydychen a pan ddychwelais ar 么l prynu paned cloi roedd y bws wedi mynd, 芒 mag i ar y ffordd i Lundain hebddaf. Ga'i sicrhau yma fy mod i wedi cyrraedd n么l i'r bws o fewn yr amser penodedig! Beth bynnag, wedi ychydig o boeni fe ddechreuais fodio, gan lwyddo i gael lifft mor bell 芒 gorsaf trenau Tottenham, tra fod aelod arall o'r c么r yn mynd i n么l fy mag o orsaf Victoria yn Llundain (pen y daith i'r bag oedd yn dal i fod ar y bws) gan ddod ag ef i gwrdd 芒 mi yn y maes awyr!

Ymweld 芒 Reykjavik
Diolch i'r drefn dyma oedd yr unig broblem fawr a gododd yn ystod y daith. Treuliodd y c么r ryw dridiau yn Reykjavik, gan weld rhywfaint o'r ddinas a'r tirwedd gwefreiddiol sydd o'i hamgylch. Mae tirwedd Gwlad yr I芒 yn amrywio yn fawr, gyda llosgfynyddoedd, geysers swnllyd, llynau anferth, rhaeadrau swnllyd a gwastadoedd ddiffaith i gyd yn cyfrannu i'r golygfeydd anghygoel sydd i'w gweld yno.

Danteithion blasus - "ceilliau bwch gafr unrhywun?"
Mae bwyd y wlad hefyd yn ddiddorol ac yn wahanol dros ben. Un pryd traddodiadol mae'r wlad yn ei gynnig yw ceilliau bwch gafr wedi eu piclo. Fel teithwyr anturus roeddem ni i gyd yn gwasgu ar ein gilydd i drio rhywfaint o'r ddantaith yma. Rhyfedd oedd clywed ymddiheuriadau gan drigolion y wlad fod y bwyd arbennig yma 'allan o dymor'! Peidiwch a gofyn imi sut mae hynny yn gweithio ond rhaid cyfaddef ro'n i'n teimlo rhywfaint o drueni dros yr anifail bach oedd, yn fy nh欧b i, yn gorfod dioddef holl embaras ei lais yn torri pob blwyddyn! Roedd ein c么r ni felly yn teimlo yn eithaf cartrefol gan ei bod hi hefyd yn llawn amrywiaeth.

Eleni roedd bron hanner y c么r yn Gymry Cymraeg, roedd gennym ni Wyddel bach yn ein mysg ac hyd yn oed aelod oedd yn dod o Wlad yr I芒; cyd-ddigwyddiad rhyfedd o ystyried y wlad ro'n ni'n ymweld 芒 hi.

Wedi ychydig o ddyddiau yn y brifddinas fe aethom ni i Ogledd y wlad, i dref bach o'r enw Bl枚ndu贸s. Yma fy gafon ni gyfle i ymarfer rywfaint, oedd yn dda iawn imi gan nad oeddwn wedi gweld sawl darn roedd y c么r yn canu ar y daith yma o'r blaen! Fe gafon ni gyfle hefyd i fanteisio yn fawr ar yr 'hot-tubs' a 'saunas' oedd ym mhob un o'r chalets bach lle roeddem ni'n aros. Yr unig anfantais oedd gan fod y wlad yn ymdrechu i harnesu gymaint o egni ag sy'n bosib o'i ffynhonellau naturiol, roedd y d诺r cynnes i gyd yn drewi rywfaint o'r sylffwr sydd yn y tir folcanig. I'r rheiny ohonoch sydd heb gael y profiad arbennig hwn, mae gan sylffwr arogl tebyg i wyau. Hyfryd!

Ar 么l gwneud sawl cyngerdd bach iawn mewn g诺yl Bysgota, Gwesty a hyd yn oed cartref hen bobl, roedd hi'n bryd i ddychwelyd i Reykjavik. Roedd ein prif gyngerdd yn cael ei gynnal mewn Eglwys yno ar noson olaf y daith. Er mai dim ond ryw hanner cant o bobl ddaeth i wrando arnom, roedd yn ymddangos fel pe baent wedi mwynhau ein detholiad eang o ddarnau, oedd yn cynnwys madrigalau, sawl darn Gymraeg a nifer o ganeuon traddodiadol Gwlad yr I芒. Fel gallwch ddychmygu roedd dathlu mawr y noson honno!

Ar ein ffordd i'r maes awyr fe ymwelon ni 芒 phyllau cynnes enwocaf y wlad sef y 'Blue Lagoon', ac rwy'n falch i ddweud ein bod ni wedi cyrraedd n么l i Gymru fach wedi blino'n l芒n ond wedi mwynhau pob eiliad o'n hamser ni yn y wlad arbennig honno. Yr unig gwestiwn dydw i dal heb gael ateb iddo yw ble oedd yr holl ia?!

Emyr James

Cyhoeddwyd yr erthygl hon fel rhan o gynllun cyfrannu ar y cyd rhwng 91热爆 Cymru'r Byd ac Antur Teifi. Daeth y cynllun hwn i ben ar 31 Ionawr 2008.