Last updated: 15 Rhagfyr 2009
Jeff Williams yn sgrifennu o'r Gynhadledd Newid Hinsawdd yn Copenhagen
Neithiwr mi fum i'n rhan o Flash Mob cyntaf Denmarc
Un cyfarwyddwyd oedd yna: Cyfarfod am 1650 ar sgw芒r Radhus. Yna am union 1650, ymddangosodd g诺r ifanc yn cludo baner Dilynwch Fi.
Arweiniodd ni yn y glaw fel un neidr hir drwy brif strydoedd siopa Copenhagen er mawr ryfeddod i'r siopwyr o'n cwmpas.
Erbyn cyrraedd yr eglwys gadeiriol, clywsom chwiban, a rhewodd' pawb - gan fy atgoffa o'r hen g锚m musical chairs ym mharti Nadolig yr Ysgol Sul ers talwm.
Roedd tua 250 ohonom yno, yn aros yn ein hunfan y tu allan i wersyll ffoaduriaid a grewyd yn ystod y dydd gan wirfoddolwyr ifanc a
Roedd y gwersyll yn efelychu'r hyn a welir ar y teledu adeg trychineb, pan fo'n rhaid i bobl ffoi o'u cartrefi. Gwersyll cyflawn gyda phebyll dros dro, gwelyau o wellt fel mewn stabl, lein ddillad 芒 dillad babi arni, man coginio cymunedol a th芒n mewn hen gasgenni olew i gynhesu'r trigolion.
Wrth agor y 'Gwersyll' heriodd Henrik Stubkj忙r, Ysgrifennydd Cyffredinol Dan Church Aid ni i ddychmygu sut y byddem yn teimlo petaem yn gorfod gadael ein cartrefi, teuluoedd, diwylliant a chyfeillion a glanio rywle tebyg.
Mae'r UNHCR a'r Groes Goch yn amcangfrif y gallai 50 miliwn - 1 biliwn o bobl - fod yn ffoaduriaid amgylcheddol dros yr hanner can mlynedd nesaf a hynny o ganlyniad uniongyrchol i newid hinsawdd.
Ganol nos neithiwr, cerddodd Lumumba Stanislaus Di-Aiping, y prif negydydd ar gyfer y G77, allan o gyfarfod gyda chadeirydd y gynhadledd.
Bu dadlau am dros awr.
"Mae'n debyg y bydd y gynhadledd hon yn cael ei chwalu gyda bwriadau drwg rhai pobl," meddai wrth deledu Denmarc bore'ma.
Falle y byddai'n dda i'r bobl negyddol hynny alw heibio'r gwersyll ar eu ffordd o Ganolfan Bela er mwyn cael cipolwg tra gwahanol ar bethau. Cipolwg ar realiti newid hinsawdd i rai o bobloedd y byd.
