Bore da. Wel, dwi'n dweud 'bore da' ond wn i ddim os yw'n fore da wir.
Wedi dychwelyd i'r capel y Sul aeth heibio, yn llawn egni ar 么l cyfnod o wyliau, dyma fi'n sylweddoli fy mod i heb dalu digon o sylw i'r newyddion tra i ffwrdd, a heb gadw i fyny gyda fy narllen.
Llyfr Stephen Hawking
Cyhoeddwyd llyfr gan Stephen Hawking yn datgan nad yw Duw yn bod. Wel, nid hynny'n union, mae Hawking yn ei ddweud, wir, ond dyna beth mae rhai pobl yn ddweud mae e'n ddweud!
Gan fod Hawking yn credu y gallai'r greadigaeth fod wedi ei chreu ei hun, fel petai, heb neb na dim i ddechrau'r broses greadigol, nid yw'r syniad o Dduw, yr egni creadigol gwreiddiol yn bwysig iddo.
Dehonglwyd hynny gan nifer fawr o bobl fel datganiad - os nad prawf yn wir - nad yw Duw yn bod.
Chi'n gweld y gofid sydd gen i mae'n si诺r: os nad yw Duw yn bod, does dim diben i'r weinidogaeth ac felly dim diben i weinidogion.
Heb fod yna Dduw, nid oes angen gweinidogion. Man y man bo chi'n s么n am jazz heb rhythm, neu gr诺p heb git芒r, neu am dafarn heb far.
Gwasanaeth angladdol
Ond, am y tro beth bynnag, mae gan weinidogion fwy na digon o waith. Rhaid cynnal gwasanaeth angladd i'r hen foi - mae angen good send-off ar y Bod Mawr!
Bydd yr angladd yn para tridiau o raid. Gwasanaeth yn y mosg ddydd Gwener, yn y synagog ddydd Sadwrn, a'r gwasanaeth Gristnogol - o dan nawdd Cytun, wrth gwrs - ddydd Sul.
Mae'r enwadau mewn trafodaethau pa un o'r pwysigion fydd yn cael talu'r deyrnged.
Mae croeso i bawb i ddod wrth gwrs, os oeddech yn credu, hanner credu, neu'n bwriadu credu rywbryd.
Dewch, gan y bydd angen pawb ohonom i gario'r elor.
Rhaid ystyried
Ond, mae 'na ofyn i bobl ystyried cyn claddu'r Atgyfodiad Mawr a allant gael gwell cynhaliaeth ysbrydol na'r ffydd yn Nuw?
A oes gwell ffordd i feithrin rhinweddau y bywyd cyfrifol? Oes na gymorth i fyw gwell i'w gael, o ddifri?
Meddyliwch am y peth fel hyn efallai: a'i call yw taflu i ffwrdd y posibilrwydd o gael clywed y Stereophonics yn Stadiwm y Mileniwm er mwyn y sicrwydd o gael clywed y Monophonics yng nghlwb rygbi Cwmscwt.
Gyda phob parch i Gwmscwt wrth gwrs.
