Mae hi'n bythefnos masnach deg ar hyn o bryd, a'r adeg yma bob blwyddyn gwahoddir amrywiol gynhyrchwyr i wledydd Prydain i drafod eu cynnyrch a chymryd rhan mewn gweithgareddau - ymweld ag ysgolion, annerch capeli a grwpiau cymunedol.
Gwahodd tri ffermwr
Eleni gwahoddwyd tri o ffermwyr olewydd o Balesteina draw.
Maent yn rhan o Zaytoun, ymdrech gymunedol ym Mhalesteina i gynhyrchu olew olewydd masnach deg. O'r Arabeg daw'r gair Zaytoun, sy'n golygu "olewydd".
Mae olewydd yn tyfu ar 80% o diroedd drwy ddulliau ffermio traddodiadol, a'r rhan fwyaf yn organig.
Gall cynhyrchu olew olewydd olygu cymaint 芒 hanner incwm blynyddol ffermwyr Palesteinaidd, sy'n gyfraniad economaidd mawr pan ystyrir bod tri chwarter y Palesteiniad yn byw islaw llinell dlodi'r Cenhedloedd Unedig.
Dathliadau
Wedi iZaytoun gael ei drwyddedu'n swyddogol yn gynnyrch masnach deg fe'i lansiwyd mewn digwyddiad mawr yn Llundain, wedi ei gefnogi gan DFID, yn ystod Pythefnos Masnach Deg y llynedd.
Teithiodd cynrychiolwyr o Balesteina draw ar gyfer y dathliadau.
A ddydd Llun nesaf roedd rhai o'r cynhyrchwyr i fod i gymryd rhan mewn digwyddiad G诺yl Dewi yn Aberteifi a dydd Mawrth roeddent i fod i siarad yng Nghaerdydd - ond yr wythnos hon gwrthodwyd visas ar gyfer y tri ffermwr.
Flwyddyn yn 么l 'roedd Gordon Brown yn canmol Zaytoun i'r cymylau a Tony Blair yn honni fis Tachwedd diwethaf, ar daith i Jenin, fod y diwydiant olew olewydd masnach deg ym Mhalesteina yn 'ysbrydoliaeth' iddo.
Angori i'r tir
Pam felly amddifadu visas ar gyfer y cynhyrchwyr eleni tybed?
"Mae'r Zaytoun, yr olewydd, yn golygu popeth i ni," meddai un o'r ffermwyr. "Mae'r coed olewydd yn ein gwreiddio ni a'n hangori ni yn ein tir.
"Yn rhoi syniad o berthyn, cartref a gobaith inni. Mae buddsoddi mewn olew olewydd yn fuddsoddiad yn ein dyfodol."
Gresyn na chafodd y ffermwyr gyfle i ddweud mwy o'u hanes, a gresyn na chafodd y cyhoedd yma gyfle i wrando arnyn nhw.
