Diolch am y gwrandawyr
Mis Ionawr yw un o'r cyfnodau prysuraf i'n llinellau cymorth. Problemau ariannol, problemau emosiynol - maen nhw rywsut yn hel fel broc m么r ar draeth Ionawr.
Rydan ni'n fregus iawn, ac mor galonogol yw clywed am glust i'n problemau. Rhywun sy'n fodlon gweld yr un olygfa o'r ffos.
Amser i wrando
Mae gan fudiad y Samariaid ers 1953, gyda'i rif ff么n enwog 0345 90 90 90, amser i wrando a sgwrsio efo pobl.
Maent yno yn wastadol yn delio'n gyfrinachol efo'n cyfyngderau.
Ei arwyddair yw; "Beth bynnag rydych yn mynd drwyddo, fe awn ni drwyddo gyda chi." Dyna falm i glust ac enaid mewn byd mor chwim a phenchwiban.
Yn ddyletswydd
Roeddwn i'n siarad yn ddiweddar efo gwraig o gefn gwlad sy'n helpu yng Nghanolfan y Samariaid yn Y Rhyl i ddarparu gwasanaeth Cymraeg.
Roedd hi'n gweld dyletswydd i fod yno ar gyfer pobl, ac roeddwn i'n meddwl fod hynny yn beth amheuthun iawn a'i didwylledd yn arbennig.
Mae tuedd ynom ni wrth gwrs i fedru bwrw'n bol yn well wrth ddieithryn ambell dro ac fe ddiolchwn y bore 'ma am yr holl wrandawyr, cynghorwyr a chwnselwyr fydd heddiw yn gwrando, ac yn lleddfu dynol loes.
Mae un nodwedd o ddarpariaeth y Samariaid yn drawiadol - maent yn fodlon gwrando am ba hyd bynnag ydych chi ar y ff么n.
Un arall
Roedd hyn yn f'atgoffa o ddarlun yn un o gerddi R. S Thomas o'r Un Arall Hwnnw sydd yno'n wastadol, yn gadael i'n gwedd茂au a'n deisyfiadau dorri arno, nid am ychydig funudau, ond yn dragywydd.
Rydan ninnau yn aml yn anghofio am ei bresenoldeb, ond y mae O'n dal i wrando.
Unrhyw amser, unrhyw hyd - fel y Samariaid.
