 |
|
Gwobr
Tir na n-Og
Bethan Gwanas a Myrddin ap Dafydd yn mynd a hi
Dydd Iau, Hydref 11, 2001
|
 Dau
awdur poblogaidd sydd wedi ysbrydoli miloedd o blant i fwynhau llyfrau
a barddoniaeth yw enillwyr gwobrau Tir na n-Og eleni. Â
Bethan Gwanas, awdur y nofel lwyddiannus, Amdani, a’r gyfres
o’r un enw a ddarlledir ar S4C, yw enillydd y wobr am Ffuglen Orau’r
Flwyddyn.Â
Enillodd y wobr am y gyfrol Llinyn Trôns (Y Lolfa), ac ynddi
ceir hanes gwrthdaro a chyfeillgarwch ymysg criw brith o ddisgyblion
TGAU ar gwrs mewn canolfan awyr agored.Â
Mae’r gyfrol eisoes wedi gwerthu dros 1,600 o gopïau.
Yn enedigol o Ddolgellau, bu Bethan yn byw yn Ffrainc am flwyddyn
cyn gwneud cyfnod o waith gwirfoddol yn Nigeria.Â
Bu’n dysgu am gyfnod, ac yn gweithio i’r Urdd a Radio Cymru; bellach
mae hi’n ysgrifennu’n llawn amser ac yn hyrwyddo gweithgareddau darllen
yng Ngwynedd.
 • Enillydd Gwobr Llyfr Gorau’r Flwyddyn ac Eithrio Ffuglen yw
Myrddin ap Dafydd am gyfrol o farddoniaeth, Jam Coch Mewn Pwdin
Reis (±á³Ü²µ³ó±ð²õ).Ìý
Myrddin oedd Bardd Plant cyntaf Cymru.
"Trwy ei waith fel Rheolwr Cyfarwyddo Gwasg Carreg Gwalch, Llanrwst,
mae wedi gwneud mwy na neb i hybu barddoniaeth ymysg plant a phobl
ifanc," meddai datganiad gan Gyngor Llyfrau Cymru..
Yn ystod ei gyfnod yn Fardd Plant Cymru yn y flwyddyn 2000, ysgrifennodd
nifer o gerddi i gofnodi’r achlysur, yn ogystal â chynnal gweithdai
barddoniaeth mewn ysgolion ledled Cymru.Â
Mae Jam Coch Mewn Pwdin Reis yn ffrwythy cyfnod
llwyddiannus hwn ac yn cynnwys cerddi ganddo ef ei hun yn ogystal
â nifer o gerddi’r plant. Â
"Roedd hi’n dasg anodd iawn i’r beirniaid ddewis y llyfrau gorau,’
meddai Menna Lloyd Williams, Pennaeth Adran Llyfrau Plant y Cyngor
Llyfrau.
"Ond efallai bod Bethan a Myrddin wedi gwneud mwy na neb i hyrwyddo
llenyddiaeth plant ac i gyflwyno’r wefr sydd i’w chael o lyfrau.’
Â
Cyflwynir gwobrau Tir na n-Og yn flynyddol gan y Cyngor Llyfrau i
anrhydeddu gwaith awduron ac arlunwyr llyfrau plant, gyda’r enillwyr
yn derbyn gwobr o £1,000 yr un.
Adnabod awdur:
Adolygiadau
|
|
|
Gair
am air
Siart
Cymru
Llyfrau
ar y We
Nôl
i'r archif
