Rhwng dwy ŵyl
A dyma gyrraedd Abertawe - neu o leiaf faes Eisteddfod Genedlaethol yr Urdd 2011ar safle hen weithfeydd Felindre ar gyrion y ddinas.
Wrth wibio ar yr M4 fyddech chi ddim callach bod unrhyw beth yn digwydd. Dim golwg o faneri coch gwyn a gwyrdd yn unman ar y ffordd - yn wahanol iawn i'r daith i Lannerchaeron y llynedd lle'r oedd pentrefi cyfain a'u baneri'n chwifio.
Efallai y gwellith pethau at y Llun.
Ie, y Llun, a'r sgwrs ymhlith nifer o'r rhai sydd wrth eu gwaith ar y Maes yn paratoi yw ±èê±ô-»å°ù´Ç±ð»å - nid Eisteddfod a'r dyfalu wedi dechrau'n barod faint o encilio fydd yna o'r maes wrth iddi dynnu at y tri o'r gloch 'ma.
Ie, at Wembli mae meddyliau'r ardal hon yn troi a'r ŵyl bêl-droed fydd yno.
Ac mae yna holi'n barod fydd yna sgrin rywle ar y maes i wylio'r ornest fawr - neu dyngedfennol a defnyddio gair gohebwyr chwaraeon.
Byddai'n gam poblogaidd iawn cael un.
Ac mae sibrydion yn dew hefyd y bydd yr Elyrch yn hedfan tua'r Felindre pe byddent wedi cael gwynt dan eu hadain ddydd Llun a phrofi llwyddiant.
Heb os, byddai hwnnw'n ymweliad hynod boblogaidd- ond os mai â'u pennau yn eu plu fyddan nhw go brin y bydd neb eisiau eu hadnabod yn y byd creulon sydd ohoni a hwythau'n hwyaid cloff.
Cawn weld.
SylwadauAnfon sylw
O na! Ddoi i ddim i'r Urdd os oes peldroedion yn debyg o ddifetha'r achlysur hapus hwn. Beth petai cefnogwyr gwyllt Caerdydd ar y maes?
Yn siarad fel is-gadeirydd y Pwyllgor Cyhoeddusrwydd ar gyfer yr Eisteddfod eleni, yn anffodus, nid oedd modd i ni rhoi unrhyw faneri ar bontydd yr M4. Mae "bynting" a baneri wedi'i gosod o gwmpas y fro, yn cynnwys baner yn Tesco Fforestfach, a fu'n hynod gefnogol!