Steddfod seneddol ynteu Senedd steddfodol?
Heb amheuaeth mae hon yn siwr o fod yr Eisteddfod gyntaf erioed i fod â senedd yng nghanol ei maes!
A go brin bod yna senedd slap bang yng nghanol unrhyw w^yl ddiwylliannol arall yn unman y byd ychwaith - oni gwyddoch chi yn wahanol!
Pan ymwelodd Eisteddfod yr Urdd â Chanolfan y Mileniwm ddiwethaf yn 2005 doedd adeilad Senedd y Cynulliad Cenedlaethol ddim wedi ei godi er bod cynlluniau ar ei gyfer ar y gweill.
Erbyn hyn mae'r 'Senedd' dros ddwyflwydd oed ac nid yn unig yng nghanol maes yr Eisteddfod ond hefyd yn cael ei ddefnyddio gan yr Urdd i arddangos goreuon cystadlaethau celf a chrefft yr W^yl.
