91Èȱ¬

Cwestiwn.
Beth sy'n cysylltu Brian Clough, y rheolwr pêl-droed, yr actor o Gymru Michael Sheen a phennaeth Virgin, Richard Branson?

Mae'r ddau gyntaf yn hawdd. Michael Sheen sy'n chwarae rhan y rheolwr pêl-droed yn y ffilm newydd amdano, The Damned United - ffilm nad yw teulu Clough eisiau dim i'w wneud â hi gyda llaw.

Ond Richard Branson?

Trown yn awr at hysbyseb ddiweddar cwmni awyrennau Virgin Atlantic sy'n cyhoeddi i'r byd; "We're not saying we're the best Premium Economy in the world, but we're certainly in the Top 1.

Geiriau sy'n adlais o ddisgrifiad Clough ohono'i hun wedi i'w dîm anffasiynol Derby County ddod yn bencampwyr cynghrair ac wedi i'w dîm arall, Nottingham Forrest ennill dau gwpan Ewropeaidd:

"I wouldn't say," medda fo,"I'm the best manager in the business, but I'm in the top one."

Prawf pellach fod hir oes i ddywediadau bachog. A diolch i Clough am hwnna - oni wyddoch chi yn wahanol.

• Llyfrnodi gyda
• |
• |
• |
• |
• - Beth yw hwn?